1. DAAD Təqaüdləri

Alman Akademik Mübadilə Xidmətini ifadə edən DAAD Almaniyada təhsil almaq istəyən tələbələrə bakalavr, magistr və doktorantura dərəcələri üçün dövlət tərəfindən maliyyələşdirilən geniş təqaüdlər təklif edir.

• DAAD Yay Məktəbi Təqaüdü – Bakalavr, magistr və doktorantura təhsili alan tələbələr üçün DAAD 4 həftəlik yay məktəbi təqaüd proqramı təklif edir. Təqaüdlər alman dilini təkmilləşdirmək istəyənlər üçün 4 həftəlik kurs haqqını və 1.061€ dəyərində yaşayışı əhatə edir.
• DAAD-TEV Məzun Təqaüdü – Alman Akademik Mübadilə Xidməti mühəndislik, riyaziyyat, kompyuter elmləri, tibb və psixologiya kimi ixtisaslarda təqaüdlə təhsil almaq istəyən tələbələrə təklif edir. DAAD təqaüdü çərçivəsində tələbələrə 9-24 ay müddətində aylıq 861€ dəstək verilir və təqaüdə müraciət üçün son tarix fevral ayındadır.
• DAAD Rəssam Təqaüdləri – Almaniyada incəsənət sahəsində aspirantura təhsilini davam etdirmək istəyən tələbələrə 10 aydan 24 aya qədər aylıq 861€ təqaüd dəstəyi verilir.

2. Erasmus Təqaüd Proqramı

Xaricdə təhsil almaq istəyən tələbələr üçün qaçırılmaz mübadilə proqramlarından biri olan Erasmus, Avropa Birliyinə üzv ölkələrdən gəlirsinizsə, sizin üçündür və Avropa Komissiyası tərəfindən maliyyələşdirilən Erasmus təhsiliniz müddətində həm təhsilinizi, həm də yaşayış xərclərinizi qarşılayır. Tələbələr arasında ən çox seçilən Erasmus ölkəsinin Almaniya olduğunu söyləyə bilərik. Çünki ölkə həm də avtomobil, qida və kimya kimi sektorlarda zəngin məşğulluq və təcrübə imkanları ilə məşhurdur.

3. Heinrich Boll Təqaüdü

Almaniyada magistr və doktorantura təhsili almaq istəyən Aİ və ya qeyri-Aİ ölkələrindən olan tələbələr üçün nəzərdə tutulan Heinrich Boll təqaüdləri hər il təxminən 1200 tələbəyə verilir. Təqaüd ərizələri üçün tələbələr Almaniyanın dövlət universitetlərində STEM ixtisasları təhsillərini davam etdirməlidirlər. Maliyyə dəstəyi çərçivəsində tələbələrə ayda 850€ ilə 1200€ arasında dəyişən xərc müavinəti təklif olunur.

4. Deusschlandstipendium Təqaüdləri

Deusschlandstipendium Təqaüdləri dünyanın hər yerindən iddialı və akademik cəhətdən görkəmli tələbələrə təqdim olunan maliyyə yardımlarıdır. Vətəndaşlıq və gəlir səviyyəsindən asılı olmayaraq, təqaüd proqramı Almaniyada təhsil alan bütün tələbələri dəstəkləyir və proqram çərçivəsində hər bir təqaüdçü aylıq 300€ müavinət alır.

5. Rosa Luxemburg Stiftung Təqaüdləri

Rosa Luxemburg Stiftung Təqaüdləri Almaniyada magistr və doktorantura təhsili almaq istəyən tələbələr üçün nəzərdə tutulmuş təqaüd proqramıdır, maliyyə dəstəyi çərvisində tələbələr B2 və ya yüksək alman dili dərəcəsinə malik olmalıdırlar. Tələbələrin təqaüd üçün müraciət etmələri üçün son tarixlər 1 oktyabr və 1 apreldir.

6. Friedrich Ebert Stiftung Təqaüdləri

Friedrich Ebert Stiftung Təqaüdləri Almaniyada bakalavr, magistr və doktorantura təhsili almaq istəyən tələbələr üçün Almaniya universitetləri və texniki kolleclərinə maliyyə dəstəyi verir və təqaüd proqramı çərçivəsində tələbələrə hər ay 300 avroluq sabit təhsil haqqına əlavə olaraq hər ay 744 avroya qədər yaşam xərcləri verilir. Təqaüd üçün müraciət edəcək namizədlərdə nəzərə alınan meyarlar arasında tələbələrin gənclərlə iş, assosiasiya, QHT və siyasi təşkilatlarda fəal iştirak etməsi tələb olunur və təqaüd üçün müraciətin son tarixi may ayına qədərdir.

7. Goethe Goes Global Təqaüdləri

Almaniyanın akademik mühitində unikal öyrənmə təcrübəsi üçün Goethe University Frankfurt Almaniyada təhsil almaq istəyən tələbələrə aspirantura təqaüdü təklif edir. Hər il məktəbdə təhsil alan 20-yə yaxın təqaüdçü tələbəyə tarix, fəlsəfə, biokimya, informatika, kimya, riyaziyyat və fizika kimi bir çox sahədə təhsil imkanları təqdim edir. Təqaüdün məbləği ayda 1000 avro təşkil edir və magistr proqramına uyğun olaraq 2 il verilir və karyera dəstəyi təklif olunur.

8. Friedrich Naumann Foundation Təqaüdü

Bu, Fridrix Nauman Fondu tərəfindən Almaniya, İsveçrə və ya digər Avropa İttifaqı ölkələrində dövlət tərəfindən tanınan universitetlərdə magistr və doktorantura təhsili alacaq tələbələrə təklif olunan təqaüd proqramıdır. Fond hər il tələbələrə biznes, hüquq, stomatologiya, tibb üzrə doktorantura, post-doktorantura proqramları və magistr dərəcələri kimi bir çox sahədə təqaüdlə təhsil almaq imkanı təqdim edir.

9. Heidelberg Universiteti Amirana Təqaüdü

2016-cı ildən bəri verilən Amirana Təqaüdü Heidelberg Universitetində tibb və stomatologiya təhsili almaq istəyən tələbə namizdlərə təklif olunur və bir çox ölkədən maliyyə çətinliyi olan və ya maddi səbəblərdən təhsilini davam etdirə bilməyən tələbə namizədlər üçün müəyyən meyarlar və maddi vəziyyətini göstərən sənədlərlə təqaüd proqramına müraciət edə bilərlər.